Пункт петиції до короля від сеймику шляхти Київського воєводства

Воєводство просить, щоб усі урядові документи перекладалися живою руською мовою, оскільки в Києві немає жодної польської школи:

Особливе теж єго кр. м нашого милостивого пана просимъ, абы листы сеймовыє, универсалы, констытуцѣи и кождая справа подлє обетницы и привил(е)ю єго кролевскоє милости при сконченю унѣи выданого не иншим литерами и словы, одно рускими литерами и єзиком до земли києвскоє писаны и выдаваны были, кгдж з молодости иншого писма отцове наши учити нас не давали, одно своєго прирожного руского. І школы теж полскоє в Києве немашъ, а кгды приносятъ листы єго кр. м писаныє полскими литерами з мешанємъ латинских слов вырозумети не можем; якож и тен привилей на злученє єдности земли Києвскоє даный, иж Полскими литерами єст написан, просим єго королевскоє милости, жебы по руску был преписан а под маєстатною печатию и с подписом руки єго королевъскоє милости нашого милостивого пана нам был выданъ